US Embassy kinondena ang aksyon ng China Coast Guard sa Ayungin Shoal

Kinondena ng US Embassy ang delikadong hakbang ng China Coast Guard sa Ayungin Shoal na kinasugat ng isang sundalong Pinoy.

Sa pahayag sinabi ni US Ambassador to the Philippines Lee Lipton na ang Estados Unidos ay kaisa ng Pilipinas na oldest treaty ally nito sa Southeast Asia.

Ayon kay Lipton, ang hakbang ng tauhan ng China Coast Guard ay banta sa regional stability at taliwas ito sa propesyonalismo at disiplinang ipinakita ng mga sundalo ng Pilipinas.

Nakiisa din ang US Embassy sa panawagan ng Pilipinas sa China Coast Guard, People’s Liberation Army Navy, at sa maritime militia na ihinto ang kanilang ilegal na aksyon, pambu-bully, agresibo at mapanlinlang na mga hakbang sa South China Sea. (DDC)