Kaso laban sa dating editor-in-chief kinondena ng NUJP

Mariing kinondena ng National Union of Journalist of the Philippines ang kasong unjust vexation na isinampa laban sa dating editor-in-chief sa lokal na pahayagan sa Cebu na si Marchel Espina.

Tinawag ng NUJP ang naturang hakbang na paraan para takutin ang media.

Sa pahayag ng NUJP, hindi umano nakatanggap ng kopya ng reklamo si Espina kaya hindi siya nagkaroon ng pagkakataon na magsumite ng counter-affidavit.

Nalaman na lang din ni Espina na may warrant of arrest na siya dalawang araw bago siya boluntaryong sumuko sa mga otoridad.

Malinaw ayon sa NUJP na hindi nabigyan ng due process si Espina sa kasong isinampa ng local leader ng isang religious group.

Si Espina ay isa sa mga national directors ng NUJP. (DDC)