One Education inilunsad ng DepEd, CHED, at TESDA
Inilunsad ng Department of Education (DepEd), Commission on Higher Education (CHED), at Technical Education and Skills Development Authority (TESDA) ang One Education sa 3rd Joint Education Trifocal Management Committee Meeting, bilang mas pinaigting na hakbang upang pag-ugnayin ang mga reporma sa basic education, higher education, technical-vocational education, at workforce development.
Dala ang tagline na “Maraming Landas, Isang Sistema. Para Sa Bawat Pilipino,” ang One Education ay nagsisilbing unified brand at strategic communication platform ng trifocal education system, na sumusuporta sa DepEd, CHED, at TESDA sa pagsusulong ng mas seamless na education pathways para sa learners. Sa pamamagitan ng One Education, mas magiging malinaw at accessible para sa learners, families, schools, training institutions, employers, at partners kung paano nag-uugnayan ang education opportunities sa tatlong ahensya.
Sinusuportahan ng inisyatiba ang direktiba ni Pangulong Ferdinand R. Marcos Jr. na palakasin ang edukasyon sa bansa sa pamamagitan ng mas konektado, relevant, at responsive na pagkatuto para sa learners, communities, at ekonomiya.
Ayon kay Education Secretary Sonny Angara, ipinapakita ng One Education ang shared responsibility ng DepEd, CHED, at TESDA na gawing mas malinaw at mas madaling tahakin ang education system.
“Ang One Education ay paalala na hindi magkakahiwalay ang pangarap ng ating mga learner. Kailangang mas malinaw ang tulay mula basic education papunta sa kolehiyo, technical-vocational training, trabaho, negosyo, at lifelong learning. Kapag mas magkakaugnay ang sistema, mas madali para sa bawat Pilipino na makita kung saan siya puwedeng magsimula, umusad, at magtagumpay,” ani Angara.
Binigyang-diin ni CHED Chairperson Shirley C. Agrupis na direktang sinusuportahan ng One Education ang mas maayos na paglipat ng learners tungo sa tertiary education.
“Nais nating gawing mas simple at magaan ang pagtapak sa kolehiyo para sa bawat Pilipinong mag-aaral. Through One Education, we are ensuring that a learner’s prior academic and technical achievements — whether from senior high school or tech-voc programs — are recognized and credited by our HEIs. This ensures that no effort is wasted as we build a more direct, seamless path for our learners to transition successfully into the modern workforce,” ani Agrupis.
Binigyang-diin naman ni TESDA Secretary Kiko Benitez na skills na ang isa sa pinakamahalagang puhunan sa mabilis na nagbabagong mundo ng trabaho, kaya mahalaga ang mas pinag-isang education system upang matulungan ang learners na makasabay.
“Ibang iba na ang demands sa trabaho ngayon kumpara noon. Kaya ang edukasyon, dapat sumasabay din sa panahon. In the past two years, we have been building seamless education pathways for Filipino learners. Anumang industriya ang nais mong pasukin at anuman ang iyong background, mayroong malinaw na daan para sa pangarap mo,” ani Benitez.
Bilang bahagi ng launch9, ipinakilala rin ng mga ahensya ang Education Reform Fellowship (ERF), isang flagship initiative na magre-recruit, magte-train, at magme-mentor ng young professionals at reform-oriented talents na susuporta sa priority education at workforce development reforms.
Sa pamamagitan ng ERF, magkakaroon ang fellows ng exposure sa policy work, program implementation, data analysis, stakeholder engagement, strategic communication, at inter-agency coordination sa education at workforce development ecosystem.
Lumagda rin ang mga ahensya sa Memorandum of Agreement kasama ang Analytiks, Inc. para sa Project TAHANAN, isang learner traceability at interoperability initiative na naglalayong pagbutihin ang learner tracking sa basic education, higher education, technical-vocational education, at workforce development pathways.
Layunin ng Project TAHANAN na suportahan ang secure at seamless sharing ng learner data upang matulungan ang pamahalaan na makabuo ng mas mahusay na policies, programs, at learner support mechanisms sa buong education-to-workforce continuum.
Magkakaugnay ang layunin ng One Education, ERF, at Project TAHANAN: gawing mas malinaw sa publiko ang reforms, palakasin ang mga taong tutulong sa implementation, at pagbutihin ang datos na gagabay sa decisions sa buong trifocal education system.
Muling tiniyak ng DepEd, CHED, at TESDA ang kanilang commitment na magtulungan para sa mas konektado, learner-centered, at future-ready na education system para sa bawat Pilipino. (Bhelle Gamboa)
