Halos 1,200 pang PDLs pinalaya ng BuCor
Magmula June 12 hanggang July 17, matagumpay ang pagpapalaya ng Bureau of Corrections (BuCor) sa kabuuang 1,156 pang Persons Deprived of Liberty (PDLs) kasama na ang 54 na indibiduwal na nakibahagi sa culminating activity na ginanap sa BuCor Headquarters sa Muntinlupa City.
Ang naturang batch ay mahalagang ambag da sa ilalim ng administrasyong Marcos kung saan umabot na sa kabuuang 33,919 na PDLs abf nakalaya simula noong June 30, 2022. Kabilang dito ang 2,032 na Muslim PDLs, kung saan 79 rito ang lumaya noong June 12 ngayong taon.
Idinetalye ni Director General Gregorio Pio P. Catapang Jr. ang paraan ng pagpapalaya sa bilang ng PDLs kabilang ang 83 na napawalang sala; 929 indibiduwal ang nakatapos ng kanilang sentensiya; 15 ang nabigyan ng probation;48 sa habeas corpus; 80 ang napagkalooban ng parole; at isa ang inilipat sa kustodiya dahil sa pagkasangkot sa kaso.
Ang mga pinalayang PDLs ay nagmula sa iba’t ibang correctional facilities sa buong banda. Sa New Bilibid Prison ang mayroong pinakamalaking bilang na 437 ang pinalaya sinundan ng Davao Prison and Penal Farm – 279, Sablayan Prison and Penal Farm – 141, Iwahig Prison and Penal Farm – 102, San Ramon Prison and Penal Farm – 91, Leyte Regional Prison – 48, Correctional Institution for Women (CIW) – 57, at 1 naman sa CIW Mindanao.
Binigyang-diin ni Catapang na ang pagkakasama ng 79 Muslim PDLs ay kasama sa pangako ng BuCor na pantay-pantay na pagtrato at suporta sa minority groups ng penal system.
Sa okasyon, nagsilbing panauhing pandangal si Board of Pardons and Parole Chairman Sergio Calizo Jr. na nagbigay ng paalala sa mga paroladong PDLs na agad magreport muli sa Parole and Probation Administration Office.
Aniya ang ahensiyang ito ay may mahalagang tungkulin na umalalay sa mga parolees sa pamamagitan ng pagtulong sa kanila na pumili at sumali da mga programa para sa kanilang pangangailangan upang pagandahin ang kanilang mga oportunidad tungo sa matagumpayna reintegrasyon sa ating lipunan.
Pinuri ni Calizo si Catapang para sa kanyang liderato na alagaan ang makabuluhang mga reporma sa BuCor. Pinaka-pinuri nito ang digitalisasyon ng “carpeta,” ang official record ng PDLs, na napaka-importanteng hakbang upang simplehan ang proseso ng dokumentasyon. Ang inobasyong ito ay hindi lamang pagandahin ang episiyente kundi tinitiyak ang transparency at accuracy sa pamamahala ng inmate records.
Ibinahagi rin ni Calizo ang malawak niyang karanasan sa pagbisita sa mga piitab sa Pilioinas. Binanggit nito ang Zamboanga Prison and Penal Farm na nasa pamamahala ng BuCor, bilang modelong institusyon para sa PDLs at personnel, maging ang kalinisan ng naturang pasilidad. (Bhelle Gamboa)
