Irish national nag-viral sa pakikipagtalo sa MMDA ipatatapon palabas ng bansa

Nahaharap sa deportation proceedings ng BI ang isang Irish National na nag-viral matapos makipagtalo sa mga tauhan ng MMDA.

Ayon sa BI, inaresto ang dayuhang si Michael Patrick Oreilly dahil sa pagiging undesirable foreign national at sa paglabag sa kondisyon ng kaniyang pananatili sa bansa.

Ang naturang dayuhan ay nagwala at nanira ng tow truck matapos mahuli ang kaniyang sasakyan na ilegal na nakaparada sa Regalado Avenue.

Gamit ang martilyo ay paulit-ulit na pinalo ng dayuhan ang tow truck na nagdulot ng pinsala dito.

Nananatili ngayon sa BI Warden Facility sa Muntinlupa ang dayuhan habang hinihintay ang proseso ng deportation. (DDC)