DMW nagbukas ng tanggapan sa Cambodia
Pinangunahan ni Department of Migrant Workers Secretary Hans Leo Cacdac ang pagbubukas ng bagong Migrant Workers Office sa Phnom Penh, Cambodia.
Layunin ng bagong tanggapan na palakasin ang proteksyon at on-site assistance para sa overseas Filipino workers sa nasabing bansa.
Ayon kay Labor Attaché Melvin Caseda, Head ng MWO–Phnom Penh, mahalaga ang permanenteng presensya ng DMW sa Cambodia upang mas mabilis at mas maayos na matugunan ang pangangailangan ng mga Pinoy doon.
Ang pagkakaroon ng MWO sa Cambodia ay tugon sa utos ni Pangulong Ferdinand Marcos Jr. matapos ang kanyang state visit doon noong September 2025.
Tinatayang aabot sa thirteen thousand ang mga Pinoy na nasa Cambodia. (DDC)
