VP Sara protektado pa rin ng due process

Bagaman mayroong impeachment process na maaaring gamitin sa mga impeacheable official, hindi naman dapat naisasantabi ang due process.

Sa kaniyang argumento sa Impeachment Court, sinabi ni defense counsel Atty. Michael Poa na may karapatan sa due process si VP Sara kaugnay ng hirit ng prosecution team na mailabas ang kaniyang bank records, tax records, at iba pang dokumento.

Sinabi ni Poa na hindi dapat otomatikong payagang buksan ang mga sensitibong rekord dahil lamang sa impeachment.

Sinabi ni Poa na hindi nila kinukwestyon ang pagsusulong ng accountability ng prosecution team.

Bagaman tunay aniyang “no one is above the law”, sinabi ni Poa na wala din namang taong dapat napagkakaitan ng proteksyon sa ilalim ng batas. (DDC)