Prosecution team nanindigang wala nang kwestyon sa authenticity ng video ni VP Sara

Inisa-isa ng House Prosecution Team ang mga rason kung bakit nagpasya silang hindi na iharap bilang testigo dina OVP chief of staff Zuleika Lopez at Capt. Belinda Bello.

Sinabi ni House Prosecution Team Spokesperson Atty. Jay Tolosa naging malinaw naman na sa testimonya ni NBI Senior Agent John Mark Calilung na authenticated ang video kung saan ginawa ni Vice President Sara Duterte ang pagbabanta.

Sinabi ni Tolosa na kaya gusto sana nilang tumestigo si Lopez ay para makatulong pa sa pag-authenticate ng November 23 video ng bise.

Pero pagkatapos ng ilang araw na trial, sinabi ni Tolosa na wala nang kwestyon kung ang authenticity ng video ang pag-uusapan.

Sa testimonya naman ni NBI BARMM Regional Dir. Atty. Jeremy Lotoc sinabi na niyang hindi ang pagkakapiit ni Lopez sa Kamara ang rason kaya nagbanta si VP Sara.

Ayon kay Tolosa, gaya ng nais ng publiko, gusto din ng prosekusyon na mapabilis ang proseso ng impeachment trial. (DDC)