Senado maglalaan ng 61 seats para sa publiko na nais saksihan ang impeachment trial
Naglabas ng abiso ang Senado para mga nais na saksihan ang impeachment trial laban kay Vice President Sara Duterte na magsisimula sa July 6.
Ayon sa abiso na nilagdaan ni Senate Secretary Renato Bantug Jr. maglalaan ng animnapu’t isang upuan para sa general public kada trial.
First-come, first-served bases ang admission at kailangang magparehistro sa Senate Visitor Management System.
Sa portal, mamimili ang registrants ng petsa kung kalian nito nais manood ng trial.
Kailangan ding i-provide ang mga hinihinging impormasyon at dokumento bilang bahagi ng registration guidelines.
Maaaring magparehistro simula sa July 5 alas dos ng hapon. (DDC)
