PH bilang middle-income country magreresulta ng dagdag-trabaho

Magreresulta ng mas maraming trabaho at dagdag kita sa mamamamayan ang pagkilala ng World Bank sa Pilipinas bilang upper middle-income country.

Ayon kay Executive Secretary Ralph Recto, nangangahulugan din kasi ito na mas maraming investors ang nagtitiwala sa Pilipinas.

At kung marami ang mamumuhunan at magnenegosyo sa bansa, katumbas ito ng mas maraming oportunidad sa trabaho.

Pero ayon kay Recto, hindi dito hihinto ang mga hakbang ng gobyerno.

Ang tunay kasi aniyang sukatan ng tagumpay ay kapag naramdaman na ito ng bawat pamilyang Pilipino.

Nananatili aniyang naka-focus ang pamahalaan sa layong maibaba ang inflation, maprotektahan ang trabaho, mapalakas ang purchasing power ng publiko, mapalakas ang consumer at business confidence, at makahikayat ng mas maraming investments. (DDC)