Eroplano ng PAL na nakaranas ng securitiy threat pinayagan nang makalipad
Humingi ng pang-unawa ang Philippine Airlines sa mga pasaherong naapektuhan matapos hindi agad makaalis ang isa nilang flight na patungong Hong Kong.
Ayon sa PAL, dahil sa security concern, pinigil ang pag-alis ng flight PR300 sa NAIA.
Isinailalim sa inspeksyon ng mga otoridad ang nasabing eroplano at kalaunan ay nabigyan din ng clearance para makaalis.
Tiniyak naman ng PAL na naasistehan ang mga pasahero.
Nagpasalamat din ang PAL sa mga apektadong pasahero sa kanilang pasensya at pakikipagtulungan sa proseso.
Ayon sa PAL, pangunahing prayoridad nila ang seguridad ng kanilang mga pasahero at crew. (DDC)
