HDO vs Tab Baldwin ihihirit ng DILG

Hihiling ng Hold Departure Order ang DILG laban kay dating Ateneo head coach Tab Baldwin para matiyak na hindi ito makalalabas ng bansa.

Kasunod ito ng pormal na rekomendasyon ng PNP-CIDG na makasuhan si Baldwin at sampung iba pa ng paglabag sa Anti Hazing Law.

Sa ngayon kasi ayon kay DILG Sec. Jonvic Remulla, sakop pa lang si Baldwin ng Immigration Lookout Bulletin Order.

Ayon kay Remulla sa imbestigasyon ng CIDG, pinayuhan din nila si Baldwin na huwag lumabas ng bansa habang nagpapatuloy pa ang imbestigasyon sa kaso.

Tiniyak naman aniya nito sa mga otoridad na wala siyang intensyong umalis ng Pilipinas. (DDC)