NBI nagbukas ng clearance center sa Batanes

Binuksan na ng National Bureau of Investigation ang Clearance Center nito sa Batanes.

Ang pagkakaroon ng NBI Satellite Office at NBI Clearance Center sa lalawigan ay layong mailapit sa mga residente ang serbisyo ng ahensya kabilang na ang pagkuha ng NBI Clearance nang hindi na kakailanganin pang bumiyahe palabas ng island province.

Ayon kay NBI Director Melvin Matibag bahagi ito ng commitment ng ahensya sa public service.

Sa isinagawang inagurasyon, nagkaroon din ng demonstration kung paano ang mag-apply ng NBI Clearance at ipinakita ang mas pinabilis na proseso.

Bago ang pagbubukas ng Clearance Office, ang mga taga-Batanes na mangangailangan ng NBI Clearance ay bumibiyahe pa patungong Cagayan o Isabela. (DDC)