Content creator na sangkot sa over speeding sa expressway pinagpapaliwanag ng LTO

Nagpalabas ng Show Cause Order ang Land Transportation Office laban sa rehistradong may-ari at driver ng motorsiklong sangkot sa over speeding sa expressway.

Kita sa video ang sobrang bilis at mapanganib na pagpapatakbo ng motorsiklo.

Ayon kay LTO Chief, Assistant Secretary Markus Lacanilao, inatasan ang content creator kasama ang rehistradong may-ari ng motorsiklo na humarap sa pagdinig ng Intelligence and Investigation Division ng LTO sa May 28.

Ito ay dahil sa posibleng mga paglabag kabilang ang “Reckless Driving” at “Improper Person to Operate a Motor Vehicle.”

Paalala ni Lacanilao lalo na ang mga content creator na maging responsable sa paggamit ng kalsada at iwasan ang paggawa ng mapanganib na gawain para lamang makahakot ng views sa social media. (DDC)