Binabantayang LPA magiging bagyo; papasok sa PAR sa weekend
Mabubuo bilang ganap na bagyo ang Low Pressure Area na binabantayan ng PAGASA sa labas ng bansa.
Ang LPA ay huling namataan sa layong 1,745 kilometers east ng northeastern Mindanao.
Ayon sa PAGASA, sa Martes o Miyerkules ay posibleng mabuo ito bilang ganap na bagyo.
At posibleng pumasok sa Philippine Area Responsibility sa Biyernes o Sabado at papangalanan itong Domeng.
Batay sa forecast ng PAGASA, posibleng lumakas ito at umabot sa severe tropical storm category.
Bagaman papasok sa PAR, hindi naman inaasahang lalapit ito sa Philippine landmass. (DDC)
