NAPOLCOM NASA TAMANG DIREKSYON BA SA ILALIM NG PAMUMUNO NI CALINISAN?

Marami na ang tila nagdududa sa pamamaraan ng pagpapatakbo ni Atty. Ralph Calinisan sa National Police Commission o NAPOLCOM.

Bilang Vice Chair at Executive Officer ng Napolcom, nasa ilalim ng pangangasiwa ni Calinisan ang halos 250,000 na miyembro ng Philippine National Police (PNP).

Malinaw ang kanyang mandato: Linisin ang hanay ng kapulisan at panatilihin ang tiwala ng mga mamamayan sa PNP.

Sa pasimula ng kanyang termimo noong April 2025, mataas ang ekspektasyon kay Calinisan—una ng Pangulong BBM na nagtalaga sa kanya sa katungkulan at pangalawa nang organisasyon na kanyang kinakatawan.

Ngunit unti-unti, nalalantad
kung anong uri ng liderato mayroon si Ralph Calinisan.

Oo, maaaring determinado nga ito, masipag at may angking talino. Ngunit sa mata ng marami, may pagka emosyunal ang abogado.

Madali siyang mapikon. Kinakakitaan din siya ng biases sa ilang isyu kung saan siya ay “heavily invested”.

Case on point: ‘yung kanyang naging alitan sa isang Vlogger kamakailan na halos kaladkarin niya ang buong PNP at Napolcom dahil lang sa isang personal na hidwaan.

Red flag ang ganitong asta lalu na isang taong pinagtiwalaan ng labis na kapangyarihan gaya ni Calinisan.

Mukhang madali yatang “makiliti” ang abogado lulu na kapag nakaharap sa mga tv news camera?

Nitong Huwebes, May 21, sa isang media briefing ibinandera ni Calinisan ang kapamilya ng ilang biktima sa missing sabungero case.

Di umano may isyu ng suhulan. Dalawang mataas na opisyal ng
PNP ang dawit dito.

Ngunit sa kabuuan ng presscon, ang atensiyon ay wala sa mga pulis na dawit sa kaso ng di umano’y insidente ng panunuhol.

Ipinahiram ni Calinisan ang “platform” ng Napolcom at gamit ang integridad ng kanyang tanggapan hinayaan niyang paulanan ng mga kaanak ng biktima ng mga paratang ang isang abogada—isang pribadong indibidwal na hindi saklaw ng otoridad ng kanyang opisina.

Mas mukhang memoryado pa nga ng kaanak ng biktima ang pangalan ng abogada dahil mahigit sa isang dosenang beses nila itong binanggit sa presscon kesa sa dalawang akusadong PNP officers.

Marami sa nakapanood ng mga ganap live, ang nagduda na mukhang scripted yata ang palabas?

Kumpleto nang “props” ang nag-aakusa, habang yung prinsipyo ng “due process” nakalimutan na yata nila?

Bilang abogado, dapat alam ni Calinisan na ang karapatan ay hindi lang eksklusibo sa mga nag aakusa.

May ganun ding mga karapatan ang inaakusahan.

Kaya napupulaan si Ralph Calinisan. May iba siyang lente sa pagtingin sa katarungan.

Madali kasing maging “pogi” sa mata ng iba lalu na kung ang bitbit mong naratiba ay yaon lamang sa
di umano’y mga biktima.

Dapat sa lahat ng panahon hindi lang ang lider ang bida.

Isang tabi muna ang mga interes na pang sarili—para sa ahensiya at kapakanan ng higit na nakakarami.

Sablay din si Calinisan noong ipahiya niya ang isang pulis na sinasabing nanakit umano ng rider.

Pero lumitaw sa imbestigasyon na kasalanan naman pala talaga ng rider, pero ipinahiya na niya ang pulis.

Marami pang insidente na nauuna ang “pagpapapogi” ni Calinisan sa Media kahit wala pang nagaganap na imbestigasyon.