Mayors for Good Governance nanawagan sa senado na huwag protektahan si Sen. Bato

Hindi dapat pumayag ang mga senador na gawing kanlungan ng absenerong senador ang Mataas na Kapulungan.

Ito ang panawagan ng limamput walong alkaldeng miyembro ng Mayors for Goof Governance.

Ayon sa grupo ng mga mayor hindi dapat pinoprotektahan ang isang halal na opisyal na umiiwas sa kanyang mga responsibilidad habang patuloy na tumatanggap ng sahod mula sa taumbayan.

Sa pahayag ng grupo, kalahating taon na nag-absent sa senado si Senador Ronald “Bato” dela Rosa bago ito nagpakita noong Mayo 14, 2026.

At kada buwan ay humigit-kumulang 300,000 pesos ang tinatanggap niyang sahod.

Ayon sa grupo ng mga mayor, hindi katanggap-tanggap ang pagtalikod at pagpapabaya sa trabaho ng isang senador habang maraming manggagawa ang araw-araw na hinaharap ang kahirapan, mataas na presyo ng bilihin, at krisis sa kabuhayan.

Ilan lamang sa mga miyembro ng Mayors for Goof Governance na pumirma sa pahayag ay sina Baguio City Mayor Benjamin Magalong, Quezon City Mayor Joy Belmonte, Pasig City Mayor Vico Sotto, at San Juan City Mayor Francis Zamora. (DDC)