NBI volunteer hinuli sa Shooting incident sa Senado

Isinailalim na sa paraffin examination at imbestigasyon ang Southern Police District laban sa isang 44-anyos na lalaki na umano’y driver/volunteer ng National Bureau of Investigation (NBI) na suspek sa naganap na pamamaril sa loob ng Senado kagabi.

Samantala nagpahayag naman ng alalahanin ang Southern Police District (SPD) kaugnay sa insidenteng kinasangkutan ni dating Senate President Tito Sotto sa kasagsagan ng kilos protesta sa labas ng bisinidad ng Senado.

Kinikilala ng SPD ang mga idinulog na sentimyento na may kinalaman sa umano’y hindi maayos na pag-uugali ng ilang raliyista at ang hindi inaasahang karanasan habang papalabas ng Senate area. Tiniyak ng District sa publiko na pangunahing prayoridad ng pulisya ang pagpapanatili ng kapayapaan, kaayusan at kaligtasan ng publiko lalo na sa panahon ng isinasagawang mga pagtitipon at masang pagkilos.

Kaugnay nito nagsasagawa na rin ng masusing imbestigasyon at assessment ang SPD sa insidente kasama na rito ang security deployment at aksyon ng mga pulis sa gitna ng aktibidad.ang mga kaukulang hakbang at nararapat na aksyon ay ipatutupad base sa kinalabasan ng imbestigasyon upang tiyaking papanagutin at mas maayos ang pamamahala sa mga pagtitipon ng publiko at mga operasyong pangseguridad.

Pinapaalalahanan ng SPD ang lahat ng partisipante sa anumang pagtitipon ng publiko na magpatupad ng kalmado, may respeto, at nananatiling sumusunod sa batas sa lahat ng panahon.

Naninindigan ang Southern Police District sa pagtataguyod ng propesyunalismo, maximum tolerance, kaligtasan ng publiko at protrksiyon ng mga karapatan at kapakanan ng lahat ng indibiduwal sa lahat ng oras. (Bhelle Gamboa)