Publiko pinag-iingat sa government subsidy kapalit ang pagsagot sa SSS Questionnaire
Pinaalalahanan ng Social Security System ang kanilang mga miyembro na maging maingat sa mga ipinapadalang link na nagsasabing kailangang magsagot ng questionnaires tungkol sa SSS.
Sinabi ng SSS na mayroong pinakakalat na mensahe kung saan pinapangakuan ng government subsidy gift ang mga miyembro kapag nagsagot sila ng questionnaire.
Paalala ng SSS wala silang ganitong programa.
Para maiwasang mabiktima ng scam, sinabi ng SSS na hindi dapat mag-click ng mga kahina-hinalang links at huwag magbigay ng personal na impormasyon. (DDC)
