Subsidiya sa kuryente pinasusuri sa Senado

Nais ni Senator Bam Aquino na muling mabisita ng senado ang batas na nagbibigay ng pondo para sa mga subsidiya sa kuryente kabilang ang lifeline rate.

Sa Senate Resolution Number 375, sinabi ni Aquino na kinikilala nito ang lifeline rate bilang mahalagang tulong sa mga pamilyang nangangailangan.

Ngunit mahalaga din na suriin kung puwede bang sa pamahalaan na lang kunin ang pondo para dito.

Sa kasalukuyang sistema kasi may mga subsidiya na ipinapasa sa monthly bill ng ibang konsyumer sa pamamagitan ng cross-subsidy mechanism.

Para sa marami, lalo na sa low- at middle-income households ito ay dagdag na gastusin lalo ngayong patuloy ang pagtaas ng presyo ng bilihin.

Paglilinaw ng senador na hindi layunin ng panukala na alisin o bawasan ang lifeline rate kundi layon lamang na tiyakin na nananatiling well-targeted, fiscally sustainable, at maayos ang pagpopondo para dito nang hindi inililipat ang bigat sa ibang konsyumer. (DDC)