2 timbog sa ilegal na minahan sa Baras

Dalawa ang kalaboso sa isang minahan sa Baras, Rizal na sinalakay ng mga tauhan ng National Bureau of Investigation.

Ayon sa NBI, mismong ang LGU ng Baras ang humiling na maikasa ang imbestigasyon sa minahan sa Barangay San Salvador.

Sa rekord kasi ng LGU, walang permit at iba pang dokumento para maisagawa ang quarry operation.

Kiumpirma din ng DENR na wala silang ini-isyung permit para sa pagmimina sa Baras.

Ang dalawang nadakip ay mahaharap sa kasong paglabag sa R.A. 7942 o Philippine Mining Act of 1995.

Nakumpiska din sa lugar ang dalawang backhoe at isang mini dump truck. (DDC)