Kaso ng influenza-like illnesses sa bansa ngayong taon umabot na sa 75,000

Simula noong Enero umabot na sa 75,000 ang naitatalang kaso ng Influenza-like Illnesses sa bansa ayon sa datos ng World Health Organization – Philippines.

Ayon sa WHO, mas mababa pa ng bahagya ang nasabing bilang kumpara sa naitala noong nakaraang taon.

Pasok din ang numero sa “usual flu trend” lalo ngayong nananatili ang pag-iral ng flu season sa bansa.

Patuloy naman ang paalala ng WHO sa publiko na maging maingat at magbakuna kontra flu.

Bagaman sa maraming kaso ay mild lamang at gumagaling din agad mataposp makapagpahinga, sinabi ng WHO na maaaring maging delikado ang flu para sa mga bata, senior citizens at sa mga mayroong chronic conditions o mahihina ang immune system. (DDC)