13 lugar sa bansa makararanas ng Danger Level na heat index

Matinding init pa rin ng panahon ang mararanasan sa maraming lugar sa bansa.

Ayon sa PAGASA ngayong araw, April 28 labingtatlong lugar sa bansa ang maaaring makaranas ng danger level na heat index.

Pinakamataas ang heat index na mararanasan sa Sangley Point, Cavite na posibleng umabot sa 44 Degrees Celsius.

Kahapon, April 27 labinganim na lugar sa bansa ang nakapagtala din ng Danger Level Heat Index.

Pinakamataas na heat index ay naitala sa Puerto Princesa City, Palawan at Dagupan City, Pangasinan na umabot sa 46 degrees Celsius.

Paalala ng PAGASA sa publiko, iwasan ang paglabas kapag matindi ang sikat ng araw at palaging uminom ng tubig.

Kapag kasi nasa danger level ang Heat Index, maaaring maranasan ang heat cramps at heat exhaustion at ang patuloy na pagkakababad sa init ay maaaring mauwi sa heat stroke. (DDC)