Mans Carpio nabisto kaya nagkaso ayon sa Akbayan

Modus na umano ng mga Duterte ang tumakbo sa korte kapag nahuli sa kanilang ginagawang mali.

Ito ang sinabi ni Akbayan Partylist Rep. Perci Cendaña kasunod ng pagsasampa ng kas oni Mans Carpio laban sa BSP, AMLC at mga mambabatas dahil sa nalantad nilang bank transactions.

Ayon kay Cendaña, bagaman may free will at marami namang pera ang mga Duterte para maghain ng kaso, ang dapat na itanong ay kung may nalabag ba talagang batas nang mailantad sa pagdinig ng House Justice Committee ang mga transaksyon sa bangko ng mga Duterte.

Sinabi ng mambabatas na mas malinaw pa sa tanghaling tapat na exempted ang impeachment hearings sa coverage ng Bank Secrecy Law at Anti-Money Laundering Act.

Payo ni Cendaña, sa kampo ni VP Sara sa halip na mag-aksaya ng papel at oras sa pagsasampa ng mga kaso dapat ay humarap na lang si VP Sara sa pagdinig ng Committee on Justice sa April 29 at doon siya magpaliwanag. (DDC)