Coast Guard tiniyak ang pakikipagtulungan sa imbestigasyon sa tauhang nahulihan ng baril

Siniguro ng Philippine Coast Guard District Southwestern Mindanao na makikipagtulungan ito sa imbestigasyon ng PNP sa isa nilang tauhan na naaresto sa operasyon ng pulisya kamakailan.

Ayon sa Coast Guard, ang nasabing tauhan ay natimbog sa Zamboanga City noong April 25 dahil sa umano ay paglabag sa Republic Act 10591 o Illegal Possession of Firearm.

Siniguro ng PCG ang pagsunod sa rule of law at hindi nito kinukunsinti ang ang anumang pagkakamali ng kanilang mga tauhan.

Pagtitiyak pa ng Coast Guard, ang insidente ay hindi makaka-apekto sa pagtupad sa kanilang mandato. (DDC)