Nakawan sa naaksidenteng truck sa C5 kinondena ng MMDA

Dismayado sa MMDA General Manager Nicolas Torre III sa insidente ng pagnanakaw sa naaksidenteng truck sa kahabaan ng C5 umaga ngayong Lunes, April 27.

Ayon kay Torre, nagrereklamo ang taumbayan tungkol sa nakawan pero kapag may pagkakataon ay nagnanakaw din naman pala.

Tinukoy ni Torre ang naaksidenteng truck sa Barangay East Rembo, Taguig City na sa halip na tulungan ng mga motorista ay kani-kaniyang hakot sila ng mga softdrink na nahulog sa kalsada.

Ayon sa MMDA official, hindi diskarte ang tawag doon kundi “pagnanakaw”.

Aniya, anuman ang dahilan, mali ang kumuha ng pag-aari ng iba.

Dagdag ni Torre, para magkaroon ng maayos na lipunan, hindi pwedeng galit tayo sa gawaing mali pero gagawa din tayo ng mali kapag may pagkakataon. (DDC)