DICT bitin sa sagot ng META sa isyu ng paglaganap ng misinformation

Kinumpirma ng Department of Information and Technology o DICT na natanggap na nito ang sagot ng META kaugnay sa concern ng pamahalaan na paglaganap ng fake news at misinformation sa bansa.

Pero nakulangan ang DICT sa sagot ng META dahil hindi nito direktang nasolusyonan ang urgency ng problema at walang ibinigay na specific na time-bound actions sa request ng pamahalaan.

Ayon sa DICT, hindi sapat na inilatag lang ng META ang kanilang mga umiiral nang polisiya bilang solusyon sa pagkalat ng peke at misleading information sa bansa na maaaring magdulot ng real-world harm at makaapekto sa public order at economic stability.

Hirit ng DICT sa META, maglatag sana ng malinaw na commitments, mabilis na enforcement mechanisms, at ipakita ang resulta.

Tiniyak naman ng ahensya na makikipagpulong ito sa mga kinatawan ng META at isusulong ang konkreto mga hakbang para maprotektahan ang mga Pinoy online. (DDC)