Kumpanyang Solane may rollback sa presyo ng LPG

Magpapatupad ng rollback sa presyo ng kanilang LPG ang kumpanyang Solane.

Ayon sa abiso ng kumpanya epektibo bukas ng umaga April 21, may bawas na P3.36 sa kada litro ng kanilang LPG.

Katumbas ito ng P36.96 na bawas sa presyo ng 11-kilogram LPG cylinder.

Ang rollback ayon sa Solane ay bilang pagsunod sa suspensyon sa excise tax.

Samantala, ang kumpanyang Petron ay nag-anunsyo na naipatupad na nila ang bawas sa presyo ng kanilang LPG noong April 18. (DDC)