Lingguhang sabayan na pagtitipid sa kuryente inilunsad ng DOE
Nanawagan ang Department of Energy sa publiko na makiisa sa “ONE” o Oras Natin sa Efficiency program na layong mas makatipid pa sa paggamit ng kuryente.
Sa abiso ng DOE, ang ONE ay isang oras na aktibidad tuwing araw ng Sabado mula 8PM hanggang 9PM.
Layunin ng lingguhang programa na isulong ang responsableng paggamit ng kuryente sa bawat tahanan at mga kumpanya.
Sa nasabing oras, pinapayuhan ang publiko na i-off ang mga ilaw na hindi naman ginagamit, at i-unplug ang saksak ng mga hindi ginagamit na appliances.
Ang simpleng hakbang na ito ayon sa DOE ay makatutulong ng malaki at mahalaga para sa energy-saving actions ngayong nakararanas ang bansa ng problema sa enerhiya. (DDC)
