Mga Pinoy sa Lebanon hinimok na i-avail ang repatriation program

Hinikayat ng embahada ng Pilipinas ang mga Pinoy sa Lebanon na samantalahin ang umiiral na ceasefire para mag-avail ng voluntary repatriation.

Ayon sa abiso ng Philippine Embassy sa Lebanon, habang nasa ilalim pa lamang ng Alert Level 3 mas ligtas na umuwi ng Pilipinas lalo at operational pa ang mga ruta at kalmado ang security environment.

Sa kabila naman ng pag-iral ng temporary ceasefire, patuloy ang paalala ng embahada sa mga Pinoy sa Lebanon na maging maingat dahil hindi pa rin normal ang sitwasyon.

Lahat ng Pinoy ay pinapayuhang manatili sa shelter kasama ang kanilang employers at iwasan ang hindi mahahalagang biyahe.

Limitahan ang paglabas-labas at iwasan ang mga matataong lugar.

Lagi ding bantayan ang updates at ang mga abiso ng embahada.

Laging i-charge ang mobile phones at iba pang communication devices. (DDC)