PBBM nagdonate ng mga gulay sa PDLs sa NBP at CIW
Nagpaabot ng taos-pusong pasasalamat si Bureau of Corrections Director General Gregorio Pio P. Catapang Jr. kay Pangulong Ferdinand Marcos Jr. sa donasyong mga gulay para sa mga Persons Deprived of Liberty (PDLs) ng New Bilibid Prison (NBP) sa Muntinlupa City at ng Correctional Institution for Women (CIW) sa Mandaluyong City.
“This kind gesture is a significant token that demonstrates the administration’s dedication to supporting vulnerable groups, especially those within correctional facilities, ” sabi ni Catapang.
Ayon kay Catapang nakatanggap ang NBP ng kabuuang 126 na plastic sacks na naglalaman ng iba’t ibang uri ng gulay habang 24 na sako naman ang natanggap ng CIW.
Kabilang sa mga donasyong gulay ay ang ampalaya, broccoli, carrots, cauliflower, kalabasa, kamote, okra, patola, pula’t puting sibuyas, repolyo, sayote, siling pansigang,sitaw, mais, talong, kamatis, upo, at patatas.
Ang mga donasyon ay personal na tinanggap nina Supt. C/SSupt. Gary Garcia ng NBP at C/SSUPT Daisy Sevilla- Castillote ng CIW.
Ang akses sa mga sariwa at masusustansiyang pagkain na napakahalaga para sa pagpapanatili ng kalusugan at kapakanan ng PDLs,na karamihan dito ay hindi nakakasama sa community welfare programs.
“This act of generosity from the highest office in the land highlights a wider government initiative to foster inclusivity and care for all members of society, regardless of their situation,” dagdag pa ng BuCor Chief.
Sumisimbolo aniya ang donasyon sa NBP at CIW na isang pagkilala na kahit sa PDLs ay naisasaalang-alang ang kanilang dignidad at wastong pangangalaga habang nagsisilbi ng kanilang sentensiya.Isa rin itong pagpapaabot ng mensahe sa kahalagahan ng malasakit at panlipunang responsibilidad sa mga programa ng gobyerno.
Inihayag pa ni Catapag na ang ganitong mga hakbangin ay nagsisilbing pundasyon para sa positibong transpormasyon o pagbabago at bigyang-diin ang pananagutan ng pamahalaan na pagandahin ang antas ng pamumuhay ng mga Pilipino sa lahat ng sektor. (Bhelle Gamboa)
