Benteng Bigas Meron Na” program na inilunsad sa Makati City sinuportahan ng MMDA Chief

Buo ang suporta ni Metropolitan Manila Development Authority (MMDA) Chairman Atty. Don Artes sa rollout sa Makati City ng “Benteng Bigas Meron Na” program ni Pangulong Ferdinand Marcos Jr., sa pangunguna ng Department of Agriculture.

Ayon kay Atty. Artes, malaking tulong ang P20 na bigas kada kilo sa gitna ng tensyon ngayon sa Middle East na nagreresulta sa pagtaas ng presyo ng ilang bilihin.

Aniya,katuwang ang MMDA sa pagpapabilis ng rollout ng benteng bigas sa buong Metro Manila. Ang Makati ang ikatlong siyudad na nag-rollout ng programang ito.

Ayon kay DA Secretary Kiko Tiu, limang araw sa loob ng isang linggo maaaring makabili ng P20/kilo na bigas.

Ayon naman kay Makati City Mayor Nancy Binay, magiging available ito sa Poblacion Market at dadagdagan pa ang mga lugar kung saan ito maaaring mabili. (Bhelle Gamboa)