Traffic heads ng MMDA at LGUs nagpulong para sa tuluy-tuloy na delivery ng essential goods

Bilang tugon sa kautusan ni Pangulong Ferdinand R. Marcos Jr. na tiyakin ang tuloy-tuloy at maayos na daloy ng mga sasakyang may dalang mga essential goods, nagpulong ang mga traffic head ng Metropolitan Manila Development Authority (MMDA) at ng iba’t ibang lokal na pamahalaan.

Pinangunahan ni MMDA Chairman Atty. Don Artes ang naturang pulong kung saan isa sa gagawing hakbang ang pagha-harmonize ng oras ng truck ban sa buong Metro Manila. Mananatili namang exempted dito ang mga truck na may dalang essential at perishable goods

Ipatutupad din ang moratorium sa mga pass-through fee.

Sa ilalim ng Executive Order No. 110 s. 2026 o ang atas na nagdedeklara ng State of National Energy Emergency, nakasaad na kailangang tiyak ang napapanahon, episyente, at walang sagabal na delivery ng public services.

Sa gitna ito ng tensyon sa Middle East na nagiging dahilan ng pagtaas ng presyo ng ilang bilihin. (Bhelle Gamboa)