Kuwago nailigtas matapos makapasok sa Makati City Hall
Isang Brown Hawk-Owl ang na-rescue matapos itong aksidenteng makapasok sa isang opisina sa Makati City Hall.
Nang makita ang kuwago, agad na nakipag-ugnayan ang pamahalaang lungsod sa DENR Metropolitan Environmental Office–West upang masiguro ang maayos at ligtas na pag-turnover sa hayop,
Sa isinagawang pagsusuri, ligtas naman ang kuwago at wala itong tinamong sugat o pinsala.
Dinala muna sa Wildlife Rescue Center ng Biodiversity Management Bureau ang kuwago upang maisailalim pa sa mas masusing pagsusuri bago ito maibalik muli sa natural na tirahan. (DDC)
