Comelec nagbabala sa mga alok na tulong sa pagkuha ng voter certification
Binalaan ng Commission on Elections ang publiko patungkol sa mga alok online na tulong sa pagkuha ng Voter Certification.
Ayon sa Comelec, hindi ito otorisado ng poll body.
Ipinaalala ng Comelec sa publiko na ang Voter Certification ay libre, walang bayad at hindi maniningil ang Comelec ng anumang halaga sa pagproseso nito.
Sinabi ng Poll Body na personal na impormasyon ng botante ang makikita sa Voter Certification kabilang ang pangalan at buong address.
Kung makikipagtransaksyon sa mga hindi otorisadong tao, maaaring makompromiso ang personal na impromasyon ng mga botante. (DDC)
