Kapasidad ng imburnal sa Bonifacio Drive sa Maynila mas palalakihin – DPWH
Mas palalakihin ng Department of Public Works and Highwas ang drainage capacity sa Bonifacio Drive sa lungsod ng Maynila.
Bahagi ito ng isinisagawang drainage improvement ng DPWH na layong maibsan ang problema ng pagbaha sa lugar.
Sa inspeksyon ni DPWH Secretary Vince Dizon, sinabi nitong mas malalaking drainage pipes ang ilalagay ng ahensya upang ang tubig na naiipon mula sa mga kalsada ay didiretso ng mabilis papunta sa Luneta Pumping Station.
Tiniyak naman ni Dizon na matatapos ang proyekto ng mas maaga kaysa inaasahan.
Magsisilbing proteksyon ang drainage hindi lamang para sa mga residente, kung hindi para na din sa mga motoristang araw-araw na dumadaan sa kalsada. (DDC)
