Walang energy lockdown ayon sa DOE
Pinag-iingat ng Department of Energy ang publiko kaugnay ng kumakalat na mga post online tungkol sa umano’y “energy lockdown”.
Sa naturang post, ginagamit ang logo ng D-O-E.
Mayroon ding AI-generated videos na nagpapakalat ng hindi totoong balita tungkol sa “energy lockdown.”
Ayon sa ahensya, walang ipatutupad na emergency lockdown ang pamahalaan.
Paalala nito sa publiko, mag-ingat sa mga link na kaakibat ng mga pekeng post na ito dahil maaari silang dalhin nito sa hindi ligtas na websites. (Dona Dominguez-Cargullo)
