Upper Wawa Dam sa Rizal nasa shortlist ng Global Water Awards

Napasama sa shortlist ng Global Water Awards sa ilalim ng Water Project of the Year category ang Wawa Bulk Water Supply Project-Upper Wawa Dam sa Rizal.

Ayon sa Manila Water, taun-taong idinadaos ang Global Water Awards sa pangunguna ng industry publication na Global Water Intelligence para kilalanin ang tagumpay ng international water sector.

Kinikilala sa nasabing Water Awards ang mga proyekto, kumpanya, at teknolohiya na nakapaghatid ng transformative impact, innovation, at long-term sustainability para matugunan ang mga hamon sa suplay ng tubig sa mundo.

Sinabi ng Manila Water na sa pagkakasama sa shortlist ng Upper Wawa Dam project ay senyales na maituturing ito sa bilang isa sa pinakamahahalagang water initiatives sa mundo.

Ang Upper Wawa Dam ay may kakayahang mag-deliver ng seven hundred ten million liters ng tubig kada araw.

Ito rin ang pinakamalaking water supply dam na itinayo sa Pilipinas sa loob ng mahigit limampung taon. (Dona Dominguez-Cargullo)