Higit 4k na delivery riders sa Las Piñas City nakatanggap ng cash relief assistance
Mahigit 4,000 na delivery riders ng Las Pinñas City ang nabigyan ng tulong sa dalawang araw na pay-out para sa sektor na ginanap sa Aguilar Sports Complex.
Bahagi pa rin ito sa Cash Relief Assistance Program ng pamahalaan upang hatiran ng tulong ang mga delivery service riders mula sa Grabfood, Foodpanda, Lalamove, JNT, Shopee at Lazada.
Sa pagtutulungan ng National Government at Las Piñas LGU, nabigyan ng suporta at tulong ang mga tsuper sa gitna ng patuloy na pagtaas ng presyo ng gasolina. (Bhelle Gamboa)
