Publiko hinimok na tangkilikin ang murang bilihin sa KADIWA

Hinikayat ng Department of the Interior and Local Government ang publiko na tangkilikin ang mga produktong ibinebenta sa KADIWA outlets sa iba’t ibang bahagi ng bansa.

Ayon sa DILG, mayroong seven hundred eighty-four na KADIWA outlets sa mga local government units sa bansa na nag-aalok ng murang halaga ng pagkain at iba pang importanteng bilihin.

Kabilang sa mga produktong mabibili sa KADIWA ay bigas, gulay, prutas, processed food, non-food items, at ready-to-eat meals.

Patuloy din ang pagbebenta ng bente pesos per kilo na bigas sa mga KADIWA outlet para sa mga miyembro ng vulnerable sector gaya ng Senior Citizens, PWDs, solo parents, minimum wage earners, 4Ps beneficiaries at maging ang mga driver ng PUVs. (DDC)