Rosario Bridge sa Pasig sasailalim sa repair

Isasailalim sa rehabilitasyon ang Rosario Bridge sa Pasig City sa Holy Week.

Ayon sa DPWH, magsasagawa ng waterproofing at asphalt works sa nasabing tulay mula madaling araw ng April 2 hanggang alas singko ng umaga ng April 6.

Sa kasagsagan ng repair, mananatiling passable ang lahat ng lanes sa mga motorista at isasara lamang ang bahaging ginagawa.

Unang isasarado ang inner lanes sa westbound portion at ang inner lanes sa eastbound portion.

Para sa mga motoristang dadaan sa Rosario C5 Exit o mga kalapit na lugar, maaaring gumamit ng alternatibong ruta para hindi maabala. (DDC)