Pagsisimula ng panahon ng tag-init idineklara na ng PAGASA

Inanunsyo ng PAGASA ang opisyal na pagtatapos ng panahon ng Amihan o ang pag-iral ng Northeast Monsoon sa bansa.

Ayon kay PAGASA Administrator Nathaniel Servando, nabago na ang direksyon ng hangin mula northeasterly patungong easterly dahil sa pagkakaroon ng High Pressure Area.

Ibig sabihin ayon sa weather bureau, pormal nang nagsimula ang panahon ng tag-init.

Sa kabila nito sinabi ni Servando na may ilang bahagi pa rin sa Northern Luzon ang maaaring makaranas ng paminsan-minsang pag-iral ng northeasterly winds.

Dahil sa magiging mainit na ang panahon sa mga susunod na araw, pinayuhan ng PAGASA ang publiko na maging maingat sa heat stress at iba pang sakit na dulot ng matinding init ng araw. (DDC)