Mas maraming toll operators pumayag magbigay ng discount

Magbibigay din ng diskwento sa toll para sa mga PUV, bus at freight vehicles ang iba pang Toll Operators ayon sa Department of Transportation.

Ayon sa DOTr, pumayag ding magbigay ng diskwento ang pamunuan ng Manila-Cavite Toll Expressway, R1 Expressway Extension, Muntinlupa Cavite Expressway, at ang Subic Clark Tarlac Expressway.

Ang mga kwalipikadong PUVs ay inaasahang makatitipid ng sixty-six pesos hanggang one hundred ninety-seven pesos sa bayarin sa toll para sa Class 1, 2 at 3 na mga saskayan.

Nagpasalamat naman si DOTr Secretary Banoy Lopez sa mga toll operator sa kanilang inisyatiba na magbigay ng diskwento ngayong matinding pagtaas sa produktong petrolyo ang nararanasan ng mga motorista.

Tatagal ng dalawang buwan ang pag-iral ng discount at maaari pang mapalawig depende sa sitwasyon.

Nauna nang inanunsyo ng DOTr ang pagkakaloob ng discount sa toll sa NLEX, SLEX at STAR Tollways. (DDC)