DSWD tuloy ang repacking ng food packs bilang paghahanda sa kalamidad

Tiniyak ng Department of Social Welfare and Development na patuloy ang pag-replenish ng stocks ng family food packs sa kanilang Disaster Resource Center Sa Pasay City at Mandaue City.

Ito ay para masiguro na may sapat na suplay ng food packs sakaling kailanganin kapag mayroong kalamidad.

Nagpasalamat naman ang DSWD sa patuloy na pagdating ng mga volunteer upang tumulong sa pag-repack ng mga pagkain.

Maliban sa mga volunteer, katuwang din ng DSWD sa repacking ang mga benepisyaryo ng TUPAD, at Cash-for-work program ng Department of Labor and Employment. (DDC)