Venue ng payout para sa Cash Assistance ng mga TNVS Driver inilabas ng LTFRB

Inilabas ng Land Transportation Franchising and Regulatory Board ang listahan ng mga lugar sa Metro Manila kung saan isasagawa ang pamamahagi ng Cash Relief Assistance para sa mga tsuper ng TNVS.

Ayon sa LTFRB, gagawin ang sabayang payout mula alas 7:00 ng umaga sa lahat ng labinganim na lungsod at isang munisipalidad sa Metro Manila.

Ang listahan ng beneficiaries ay galing sa iba’t ibang Transport Network Company providers.

Pinaalalahanan ang mga benepisyaryo na dalhin ang orihinal at photocopy ng kanilang driver’s license.

Mahigpit din ang paalala ng LTFRB na sundin ang nakatakdang schedule upang maiwasan ang siksikan at mas mapabilis ang proseso.

Ang nasabing tulong-pinansyal ay sa ilalim ng programa ng DSWD na Assistance to Individuals in Crisis Situations program. (DDC)