Epektibo ba ang one-strike policy ng Customs?
Mayroon kasabihan ang mga Pilipino na kung saan may usok, may apoy. Walang mag-aakala na di pala tapos sa pinagagawang kabalbalan ang dalawang mataas na opisyal ng Bureau of Customs pagkatapos ng ilang buwan nilang pananahimik bagamat pinapatupad na ang one-strike policy laban sa korapsyon at ismagling sa ilalim ng pamumuno ni “Kume Nepo”.
Kamakailan lamang naglabasan muli ang aking mga bubwit para ikwento ang nangyayari sa naturang ahensya sa kabila ng sinasabing reporma. Tumatagingting na P10 milyon di umano ang naging bigayan para sa tinatawag nilang “Direk CTN” na kinolekta mismo ni Agent “Dobol P”. Wala pa rin silang mga kupas, di ba ating mga kabayan? Ganyan talaga pag sinasabing dikit kay kume lalo na siguro pag kamag-anak.
Bago ito mangyari, ayon sa isang pang bubwit, may malaking halaga ng pera di umano ang tinanggap ng 2 opisyal na ito. Nagsilbi daw na “bayad’ bilang kapalit sa pagpapalabas ng kalahati sa mga iligal na sigarilyo na nasabat ng BOC at para hindi makasuhan ngagricultural economic sabotage” ang taong nasasangkot.
“Pero kahit na nagbigay na sa mga taong ito, natuloy pa din siyang nakasuhan kaya nakulong na walang piyansa,” saad ng source.
“Kumanta na ang tao pagkatapos na laging nangangako ang dalawa na matutulungan siya pero umabot na ng pitong buwan wala pa rin nangyayari,” dagdag nito.
Tingnan natin ano ang gagawin ni kume sa bagay na ito. Pwede kasi walang siya talagang alam sa pinagagawa ni Direk CTN at Agent Dobol PP o kaya naman kinukunsinti niya na ang dalawang ito. Hintayin natin ang kanyang aksyon. Abangan ang susunod na kabanata.
