NCRPO nagbabala sa publiko laban sa petty crimes habang papalapit ang Yuletide season

Pinapaalalahanan ng National Capital Region Police Office (NCRPO) ang publiko na manatiling mapagmatyag laban sa mga petty crime gaya ng holdap, pang-aagaw ng gamit, salisi, pandurukot, at iba pang krimen sa lansangan habang papalapit ang panahon ng kapaskuhan.

Kasunod ito sa inaasahang pamimili ng publiko bilang paghahanda sa Christmas season. Libu-libong shoppers at mga bibisita sa Metro Manila ang asahang dadagsa sa mga mall, flea market, terminal ng transportasyon, at iba pang lugar na pinagdarausan ng mga pagtitipon.

Ayon kay NCRPO Officer-in-Charge Police Brigadier General Christopher Abrahano, ang pagdami ng mga tao sa isang lugar ay potensiyal na target ng mga kriminal.

“As we welcome the Christmas season, we want everyone to enjoy the celebrations safely. However, we also remind the public that crowded places can be an opportunity for criminals to commit snatching, salisi, pickpocketing, hold-ups, and other petty crimes,” ani PBGen. Abrahano.

Kaugnay nito, pinalalakas pa aniya ng NCRPO ang police visibility at patrol operations sa mga natukoy na lugar na inaasahang dadagsain ng mga tao.

“We are intensifying police visibility in malls, markets, transport hubs, commercial areas, and other places of convergence. Our personnel will be strategically deployed to deter criminal activities and provide immediate assistance when needed,” dagdag ng heneral.

Inatasan din ni BGen Abrahano ang mga Police Commanders na makipag- ugnayan sa mga security personnel ng mga mall, market administrator, local government unit, at iba pang stakeholder upang higit na mabantayan ang kaligtasan at seguridad ng publiko.

Hinimok din ng NCRPO Chief ang publiko na magsagawa ng mga simple ngunit mahahalagang pag-iingat, lalo na sa pagdadala ng pera, mamahaling gadgets gaya ng cellular phones sa matataong lugar.

Nagpaalala din ang heneral na iwasan ang pagsusuot ng mga mamahaling alahas at iba pang mahahalagang gamit.

“We ask the public to remain alert and avoid displaying valuables unnecessarily. Keep your bags and personal belongings secured, be mindful of your surroundings, and do not easily trust strangers who may attempt to distract you,” saad ni PBGen. Abrahano.

Ipinaalala rin niya sa mga magulang at guardian na bantayang mabuti ang kanilang mga anak, lalo na sa mga matataong establisimyento at pampublikong lugar.

“Public safety is a shared responsibility. The police will do our part, but we also need the cooperation and vigilance of every individual. Let us look after one another so that the Christmas season will be remembered for celebration, not victimization,” sinabi ng NCRPO Chief.

Hinikayat din ng NCRPO ang sinumang makasaksi o maging biktima ng krimen na agad humingi ng tulong sa pinakamalapit na pulis o police station at ireport ang insidente.

“If you see something suspicious or if you become a victim of a crime, report it immediately. Your timely report can help us respond faster, identify the perpetrators, and prevent similar incidents from happening to others,” ayon sa heneral.

Tiniyak ng NCRPO sa publiko na magbabantay ang mga pulis at handang tumugon habang naghahanda ang Metro Manila sa inaasahang pagdami ng mga tao at aktibidad kaugnay ng pagdiriwang ng Pasko. (Bhelle Gamboa)