Kauna-unahang Filipino-language soundtrack ng Disney aawitin ni KZ Tandingan
Si KZ Tandingan ang magiging boses ng kauna-unahang Filipino-language soundtrack ng Disney.
Ibinunyag ng Walt Disney na si Tandingan ang kakanta ng soundtrack na “Gabay” para sa pelikulang “Raya and the Last Dragon”.
Ang naturang kanta ang magiging kauna-unahang Filipino-language track mula sa Disney.
Nakatakda itong i-release sa susunod na mga araw.
Southeast Asian inspired ang naturang pelikula.
Ang Misyon ni Raya ay hanapin ang “Last Dragon” para maibalik ang kapayapaan sa kanilang lugar.
Apat na martial arts ang mapapanood sa pelikula kabilang ang Pencack silat ng Indonesia at Malaysia, Muay Thai ng Thailand, traditional Indonesian wrestling at Arnis ng Pilipinas.
Ngayong Marso mapapanood sa mga sinehanan ang “Raya and the Last Dragon”.
