MMDA nagkaloob ng bucket food packs para sa PAG-ABOT Program ng DSWD
Inihayag ng Metropolitan Manila Development Authority (MMDA) na tuloy-tuloy ang malasakit at pagtutulungan ng pamahalaan.
Kaugnay nito, iniabot ng MMDA ang 250 pirasong bucket food packs sa Department of Social Welfare and Development (DSWD) para sa PAG-ABOT Program na isinagawa sa Pasay City.
Alinsunod sa direktiba ni MMDA Chairman Atty. Don Artes, ang nai-turn over na food packs ni MMDA Parkways Clearing Group Dir. Francis Martinez sa mga kinatawan ng DSWD ngayong araw ay nakalaan para sa mga indibidwal na inaabot ng programa.
Ang PAG-ABOT Program ay inisyatiba ng pamahalaan na naglalayong tumulong sa mga pamilyang namumuhay o namamalagi sa mga lansangan. (Bhelle Gamboa)
