P5.19M halaga ng ilegal na karne nakumposka sa cold storage sa Pasay City
Nasabat ng mga otoridad ang tinatayang 11.5 metric tons ng mga kontrabandong imported na karne na nagkakahalaga ng 5.19 milyong piso sa isang operasyon sa Pasay City.
Isinagawa ang joint operation na pinangunahan ng Department of Agriculture (DA), National Meat Inspection Service (NMIS), at National Bureau of Investigation (NBI).
Kabilang sa mga narekober na frozen meat products ang pecking duck, buong kalapati, lamb, yellow chicken, at black chicken.
Ayon sa NMIS, ikinasasa ang operasyon matapos makumpirmang walang akreditasyon mula sa kanilang tanggapan at walang rehistro sa lokal na pamahalaan ang mga establisyimentong LCCI Food Condiments Trading at Sitphin Sari-Sari Store para mag-operate bilang mga meat cold-storage warehouse o meat depot.
Naaresto sa operasyon ang dalawang Chinese national na kinilalang sina Wu Dun Han at Cai Huarong.
Mahaharap sila sa reklamong paglabag sa Meat Inspection Code of the Philippines. (DDC)
